西貢舊墟中遊走，巧遇友人，入到嚟「BEI Coffee 米珈琲」呢個充滿吸引力嘅咖啡國度。估唔到呢間簡樸嘅小小咖啡店，咖啡及整個體驗都帶來驚喜。
友人再次體驗獨特嘅「心情咖啡 #MoodCoffee」，由咖啡師揣摩客人喜好、心情與想法。雖然我只係靜靜坐喺旁邊避免打擾，但當音樂響起，眼睛剛巧瞄到牆上部份字句，剎那間刺中心房，眼淚湧到眼框。
深深嘆一口氣，再品嚐一下面前濃醇嘅咖啡，心底裡面嘅情感與激動就好似呢杯同樣咁豐富亦都咁複雜嘅咖啡味道，吞下再靜待我慢慢消化。
面對完自己嘅諗法，突然又好似搵返少少人生嘅方向與動力。
邊度跌低，就邊度起身，要相信自己。